Fjölgreindatíminn sem fór úr böndunum

Kennari nokkur vildi kynna fjölgreindakenninguna fyrir hópi nemenda. Þeir voru látnir taka stutta könnun til að meta sterkar og veikar greindir sínar. Svo átti hver að standa upp og stilla sér upp á stað merktum sterkustu greind sinni.

Lengi vel var enginn í rök- og stærðfræðigreind. Þeir voru svo lengi að telja saman stigin sín.

Óvenjufáir fóru í málgreind. Þeir skildu ekki spurningarnar.

Einn ráfaði um og leitaði: "Hvar er sjálfsblekkingargreindin?"

Ég fór sjálfur í tónlistargreindina, en það var á fölskum forsendum.

Þessi í umhverfisgreindinni sagðist ætla að finna mig í fjöru.

Allir í samskiptagreindinni fóru að rífast.

Þeir sem ætluðu í rýmisgreindina villtust á leiðinni.

Og þessi eini sem hugðist fara í líkams- og hreyfigreind datt og meiddi sig.